آندھرا پردیش میں درخت سے ٹکراکر بس پلٹی، چار میڈیکل کے طالب علموں کی موت، 30 زخمی

حیدرآباد،15مارچ(ایجنسی) آندھرا پردیش کے وجئے واڑہ کی ہائی وے پر ایک بس درخت سے ٹکرانے کے بعد الٹ گئی. حادثے میں حیدرآباد کے چار میڈیکل سٹوڈنٹس کی موت ہو گئی جبکہ 30 دیگر زخمی ہو گئے.
اس حادثے میں پرائیویٹ بس کا ڈرائیور بھی مارا گیا. واقعہ پیر دیر رات ہوا- . پولیس کے مطابق ڈرائیور نشے میں تھا اور کافی تیز رفتار میں بس چلا رہا تھا. عثمانیہ میڈیکل کالج کے طالب علم ایک اسپورٹس ٹورنامنٹ میں



حصہ لے کر حیدرآباد واپس آ رہے تھے، اسی دوران یہ حادثہ ہوا.
اس حادثے میں بچ جانے والوں کے مطابق، انہوں نے جب ڈرائیور سے بس کی رفتار کم کرنے کو کہا تھا لیکن نشے میں اس نے بحث شروع کر دی. زخمی طالب علموں کو وجئے واڑہ کے پرائیویٹ ہسپتال میں داخل کرایا گیا ہے ان میں سے کچھ کی حالت نازک ہے. تلنگانہ کے وزیر اعلی کے. چندر شیکھر راؤ نے زخمی طالب علموں کو ہر ممکن بہتر علاج مہیا کرانے اور ضرورت پڑنے پر انہیں حیدرآباد منتقل کرنے کی ہدایات حکام کو دیئے ہیں.